تارت عين الجمل بالكراميل و صوص الشيكولاته

المقادير

• 2 x كوب دقيق
• 2 x كوب عين جمل
• 1 x كوب سكر (للعجين)
• 1 x كوب كريمة لبّاني
• 1 x كوب زبدة
• 1 x معلقة صغيرة فانيليا
• 1 x كوب عسل نحل
• 1 x كوب سكر (للكراميل)
• 1 x كوب سكر بودرة

مقادير صوص الشيكولاته

• 1 x كوب سكر
• 1 x كوب لبن كامل الدسم
• 1 x كوب زيت ذرة
• 1 x كوب كاكاو

الخطوات

• نسخن الفرن على درجة حرارة 180
• في وعاء غويط هنضرب الزبدة و السكر بمضرب اليد لحد ما يتحول كريمة
• نضيف البيض و الفانيليا و نستمر في الضرب
• و بالتدريج نضيف الدقيق و نعجنه لحد ما يتحول لعجين
• ندهن قوالب التارت بالزيت و نفرد العجين فيها بحيث ياخد شكل القالب و بعدين هنثقب العجين بالشوكة علشان ميرتفعش أثناء الخبز
• نبدأ في عمل الكراميل..هنسخن حلة على نار عالية و بعدها نضيف عليه السكر و نسيبه يدوب تماما و يتغير لونه للون الذهبي بعدها نشيله من عل النار
• هنضيف الكريمة و العسل و نقلبهم كويس
• نضيف عليهم عين الجمل و نقلبهم و بعدين نسيب الخليط يبرد
• نصب خليط الكراميل و عين الجمل في قوالب التارت و بعدين ندخلها الفرن لحد ما تستوي.. حوالي 20 دقيقة
• بعد ما تطلع من الفرن هنسيبها تبرد. كده تمام..بالهنا و الشفا

نبدأ في صوص الشيكولاته

• في وعاء أو في الخلاط اضرب كل المقادير جيدا للحصول على صوص الشيكولاته
• بعد ما تطلع من الفرن هنسيبها تبرد و نضيف عليها خيوط رفيعة من صوص الشيكولاته مع رشة من سكر البودره