حلقات البصل اللذيذة

المقادير

• 3 x كوب بقسماط مطحون
• 1 x كوب لبن كامل الدسم (او حسب الحاجة)
• 1 x معلقة صغيرة ملح
• 1 x معلقة صغيرة باكينج بودر
• 1 x لتر زيت ذرة (للتحمير)
• 1 x كوب دقيق
• 1 x عدد بصلة (متقطعة شرايح)
• 1 x عدد بيضة

الخطوات

• نسخن الزيت في طاسة غويطة
• هنفرغ شرايح البصل علشان تبقى على شكل حلقات
• في وعاء هنخلط الدقيق و الباكين بودر و الملح
• و هنقلب حلقات البصل في الخليط ده لحد ما تتغطى بيه كويس و بعدين نشيلهم و نخليهم جانبا
• في نفس الوعاء اللي فيه الخليط هنكسر عليه بيضة و نقلبهم كويس بشوكة و بعدين نغمس حلقات البصل تاني فيه لحد ما تتغطى كويس بالخليط و بعدها نشيلهم من الخليط ونحطهم على مصفاة الزيت الكبيرة تحتيها ورق فويل لحد ما ينشفوا
• هنفرش البقسماط كله في طبق عريض و هنضيف حلقات البصل.. حلقة واحدة في كل مرة..و بمعلقة نبدأ نرش حلقة البصل بالبقسماط لحد ما تتغطى تماما و نكرر نفس العملية مع كل الحلقات
• نضيف حلقات البصل في طاسة التحمير من دقيقتين لـ3 لحد ما يبقى لونها دهبي نشيلها و نضيفها على ورق زبدة عشان يمتص الزيت..كده تمام..بالهنا و الشفا