المقادير
- 4 x معلقة كبيرة زيت زيتون
- 3 x معلقة صغيرة كارى أصفر
- 2 x عدد بصلة (مقطعة شرائح)
- 2 x عدد طماطم (مقطعة قطع صغيرة)
- 2 x معلقة كبيرة كزبرة خضراء
- 2 x معلقة كبيرة عصير ليمون
- 1 x معلقة صغيرة كمون
- 1 x عدد سمكة كاملة (على الأقل كيلو متنضفة سنجارى)
- 1 x معلقة صغيرة ملح
- 1 x عدد فلفل أحمر حلو (مقطع شرائح)
- 1 x عدد قرن فلفل حامى (مقطع شرائح)
- 1 x عدد فلفل أصفر حلو (مقطع شرائح)
- 1 x عدد فلفل أخضر حلو (مقطع شرائح)
- ½ x معلقة صغيرة فلفل اسود مطحون
- هنجيب السمكة ونتبلها بنصف كمية الملح والفلفل والليمون وزيت الزيتون و نصف معلقة من الكارى.
- هندخل السمكة الفرن تحت الشواية على صاجة.
- فى طاسة سخنة على النار هنضيف زيت الزيتون وشرائح البصل ونقلبه لحد ما يدبل
- هنضيف شرائح الفلفل الألوان والفلفل الحامى والثوم ونقلب كويس.
- هنضيف باقى كمية الكارى والملح والفلفل والكمون ونقلب كويس
- هنضيف الطماطم والكزبرة الخضرا ونقلب كويس, تشويح الخضار كله مش المفرود ياخد اكتر من 5 دقائق.
- هنطلع السمكة ونضيف عليها خليط الخضار والكارى ونرش عليهم باقى عصير الليمون ورشة زيت زيتون وتدخل تانى تحت الشواية لمدة 15 دقيقة ل 20 دقيقة وبالهنا والشفا
0 التعليقات :
إرسال تعليق